얼짱 կամ տրանսլիտով ulzzang է կոչվում կորեական ենթամշակույթ՝ հիմնված ոճային ուղղության վրա: Ինչ ի՞նչ է օլծան՛ը և ինչո՞վ է այն տարբերվում սովորական մոդելից :
짱 [ծան՛] խոսակցական կորեերենով նշանակում է “լավագույն”, իսկ 얼굴 [օլգուլ] դեմք, միասին ստացվում է얼짱 [օլծան՛] լավագույն դեմք: Ի սկզբանե այդ տերմինն օգտագործվում էր սիրունիկ դեմք ունեցող բոլոր մարդկանց համար, բայց այժմ այն բնորոշում է նրանց, ովքեր մեծ ճանաչում են ձեռք բերել՝ իրենց արտաքինի շնորհիվ: Խոսքը գնում է ոչ միայն համացանցային հետևորդներ, նաև իրական կյանքում համակիրների մեծ բանակ ունեցողների մասին:
Օլծան՛ ենթամշակույթը ծագել է հարավային Կորեայում 2005 թվականին: Բայց դրա արմատները ձգվում են մինչև 2000 թվականը: Այդ տարիներին Կորեայում շատ նորաձև էր արևայրուքը և մասնավորապես արևայրուքի արհեստական եղանակների շնորհիվ, Կորեայում մեծ տարածում գտավ մաշկի քաղցկեղը: Պետությունը որոշեց լրջորեն զբաղվել այդ հարցով և ուղղակի հատուկ արտոնություններ տվեց կոսմետիկա արտադրող այն կազմակերպություններին, ովքեր գումար էին աշխատում մաշկը սպիտակեցնող քսուքների վաճառքի հաշվին: Շատ շուտով հեռուստատեսությամբ, համացանցով և տարատեսակ գովազդային վահանակներից իրենց արևաշող ժպիտը սփռող սպիտակ մաշկով սիրունիկ դեմքերով դեռահասները մանիայի մի նոր ալիք բարձրացրեցին: Նրանց դեմքերն անվանեցին իդեալական, իսկ նրանց տվեցին օլծան՛ կոչումը:
Շատ դեռահասներ, տրվելով գայթակղությանը, սկսեցին լուսնկարվել և տեղադրել իրենց նկարները այն բոլոր կայքերում, որտեղ կարելի է քվեարկել և հանրաճանաչ դառնալ: Իհարկե այդ “հարձակմանը” ամենաշատը ենթարկվեց կորեացիների պաշտելի սայվորլդը (www.cyworld.com), քանզի երևի թե միայն ամենածույլն այնտեղ էջ չունի:
Այսօր օլծան՛ը համարվում է կայացած ենթամշակույթ և ունի հետևորդներ ոչ միայն Կորեայում: Լինել օլծան՛ չի նշանակում միայն մռութ դեմքերով նկարներ տեղադրել համացանցում, դա ապրելակերպ է և բնավորություն:
Շատ օլծան՛ներ, սկսելով համացանցային կամ դպրոցական հանրաճանաչությունից, այսօր դարձել են իսկական աստղեր: Թվարկելն ավելորդ է…..
Այսպիսով, ու՞մ համարել얼짱: Սպիտակ մաշկ և երեխայի դեմք…
Սա համարվում է ամենակարևոր չափանիշը: Օլծան՛ դեռահասները ծախսում են ուղղակի կատաստրոֆիկ չափսերի գումար՝ իդեալական մանկական դեմք ստանալու համար (եթե իհարկե բնությունը նրանց չի օժտել այդպիսի արտաքինով): Խոսքը գնում է և՛ տարատեսակ խնամքի միջոցների (մասնավորապես մաշկը սպիտակեցնող), և՛ պլաստիկ վիրահատությունների (կլոր դեմք, փոքր կզակ, փոքր քիթ, չընդգծված այտոսկրեր) մասին: Ի տարբերություն Ասիայում իդեալ համարվող ճենապակյա տիկնիկի կերպարի, այստեղ շեշտը դրվում է մաշկի թարմության և նրբության, ոչ թե գունատության և արհեստական փայլի վրա:
Մեծ և արտահայտիչ աչքեր
Ինչպես և գյարուները (նույնպես ոճային ենթամշակույթ) Ճապոնիայում, այնպես էլ օլծան՛ները շեշտը դնում են ՄԵԵԵԵԵ՜Ծ աչքերի վրա: Համարվում է, որ լուսանկարում աչքերը պետք է լինենա առաջին պլանում: Իրենց նեղ աչքերը մեծացնելու դժվար ճանապարհին նրանք օգտվում են թե՛ շպարի կախարդական հատկություններից, թե՛ աչքի ծիածանաթաղանթը մեծացնող ոսպնյակներից, թե՛ հատուկ սոսինձներից (երկրորդ կոպ ստանալու համար) և թե՛, ցավոք հաճախ, պլաստիկ վիրահատության հրաշքներից (սանգափուրի):
Սլացիկ կազմվածք
Ի տարբերություն սովորական մոդելների, այստեղ իդեալական գծեր կամ հաստատված քաշ անհրաժեշտ չէ: Օլծան՛ների համար իդեալական է համարվում 168 սմ հասակը և ուղղակի սլացիկ մարմինը, չէ՞ որ մի փոքրիկ փորիկը կամ կողքերից կախվող փոքրիկ յուղաշերտիկները միշտ կարելի է ծածկել նրանց այդքան սիրելի լայն, հաճախ սպորտային ջեմպերների տակ: Խոսքը փոքրիկ յուղաշերտիկների մասին է… իհարկե հակառակ պարագայում էլ կորեացիները չեն խուսափում իրենց “սիրելի” պլաստիկ վիրահատություններից….
Վառ բնավորություն
Ահա թե ինչն է օլծան՛ին տարբերում մյուս բոլոր ենթամշակույթների ներկայացուցիչներից: Նրանց դեմքերն ասոցացվում են մանկական անմիջականության և անմեղության հետ, ինչն էլ արտահայտվում է նրանց բնավորության մեջ: Իհարկե, ինչքան մարդ, այնքան բնավորություն: “Սիրունիկ դեմքերը” սիրում են իրենց դեմքը և մասնավորապես էգյոն(애교 [էգյո] = aegyo ) օգտագործել իրենց քմահաճույքները կատարել տալու համար, բայց ընդունված է կարծել որ օլծան՛ը այնպես պայծառ է, ինչպես իր կերպարը:
Նորաձևություն
Օլծան՛ներն որպես այդպիսին նորաձևություն կամ ընդունված դրեսկոդ չունեն (ասենք, ինչպես օրինակ էմոները): Նրանց նորաձևությունը կորեական հագուստ արտադրող ընկերություններն են թելադրում: Օրինակ՝ եթե մի նորաձության տուն թողարկեց կապույտ բաճկոններով հավաքածու, անմիջապես բոլոր օլծան՛ները նկարներում հայտվում են կապույտ բաճկոններով: Եվ սա դառնում է տրենդ:
Իրականում ոչ բոլոր օլծան՛ներն են ի վիճակի հայտնի բրենդներից մեծ զգեստապահարան պահելու և դեռ այն թարմացնելու, քանի որ գումարի մեծ մասը գնում է կոսմետիկ միջոցների գնմանը: Շատերն իրենց զգեստները կարում են ինքնուրույն կամ էլ ձևափոխում են հին զգեստները՝ պահարանում ունենալով մի քանի “պատրաստի” շապիկներ և աքսեսսուարներ: Իմիջայլոց նրանց իմիջի կարևորագույն բաղադրիչներից է նաև վառ և անկրկնելի նեյլ-արտը:
Եթե Դուք էլ եք ցանկանում այս ենթամշակույթի մաս կազմել, ապա Ձեզ անհրաժեշտ կլինի.
– տոնային քսուք, BB կամ CC կրեմ,
– շպարը ֆիքսող դիմափոշի (կարելի է նաև փայլուն),
– դիմափոշի սուրմա և շրթներկ (կամ թինթ) քսելու վրձիններ,
– սև (և ոչ միայն) սուրմա կամ հատուկ գծաներկ-մատիտ, փափուկ մատիտ (սև, մեր դեպքում նաև շագանակագույն՝ ստվերներով աչքերը փոքր-ինչ նեղացնելու համար)
– երկրորդ կոպ կազմավորող միջոցներ (սոսինձ կամ ժապավեն) (մեզ սա անհրաժեշտ չէ),
– աչքի ծիծանաթաղանթը մեծացնող ոսպնյակներ (ցանկացած գույնի, բայց մոխրագույնը սազում է բոլորին)
– սև թարթչաներկ
– սպիտակ (բաց պաստելային գույների) ստվերաներկ կամ մատիտ
– այտաներկ (որքան հնարավոր է նուրբ գույնի)
– թափանցիկ կամ վարդագույն փայլ շուրթերի համար, վարդագույն շրթներկ և տարբեր գույների թինթեր (գրադիենտ ստանալու համար):
– ունքերը ձևավորելու միջոցներ
– մազերի խնամքի և հարդարման միջոցներ (վոսկ, փայլ, յուղ, շիպցի, արդուկ և այլն),
– պուպուշ շորիկներ
– գունավոր լաք եղունգների համար, փայլեր, զարդարանքի պարագաներ
– և իհարկե սելքայի հնարավորությամբ հեռախոս
Մի հետաքրքրիր տեղեկություն ևս.
Գոյություն ունի 짱 “ծան՛” կատեգորիայի երկու ներկայացուցիչներ՝
얼짱՝ օլծան՛, որտեղ գլխավոր դեր խաղում է մարդու դեմքը (얼굴 [օլգուլ] դեմք)
몸짱՝ մոմծան՛, որտեղ գլխավոր դեր խաղում է մարդու մարմինը (몸 [մոմ] մարմին)
Նյութը հեղինակային է, կիսվելիս նշեք աղբյուրը
^^Nya^^
Your dedication to delivering quality content is admirable.
I have shared this post with my friends, it’s too good to keep to myself.
Your blog is an excellent resource for anyone looking for useful tips. Keep up the good work.