Ինչպես շահել կորեացիների սիրտը և ձեռք բերել ընկերներ

1. Առաջին բանն, ինչով կարող եք կորեացուն բարյացակամորեն տրամադրել Ձեր հանդեպ , դա տարբեր բաներ նվիրելն է, մանավանդ, եթե դուք եվրոպացու արտաքինով արտասահմանցի եք: Կորեան մեր երկրից տարբերվում է նրանով, որ այնտեղ շատ նորմալ է, երբ առանց որևէ առիթի նվերներ եք մատուցում, լինի դա ձեր ղեկավարը, կամ տնօրենը: Մեզ մոտ դա կարող է դիտվել որպես աշխատակցի կողմից իրենից բարձր գտնվողին շողոքորթելու փորձ, կամ նույնիսկ կաշառք:

2. Երկրորդն, ինչով կարող եք գրավել կորեացիներին, դա սեղանի շուրջ կորեական էթիկետի իմացությունն է: Կորեացիների հետ ուտելիս ամեն ինչ պետք է տալ և վերցնել երկու ձեռքով: Բրինձն ուտելուց առաջ թեթևակի թափահարեք բրնձի ամանը: Դա անհրաժեշտ է, որպեսզի կափարիչին կպած բրնձի հատիկները ընկնեն: Ձեր կողմից նման վարքի դրսևորումը կորեացիները բարձր կգնահատեն:
Բացի այդ կորեացիների մոտ ընդունված է ընթրել ամբողջ աշխատակազմով: Նրանք գնում են սրճարան, փոքրիկ ռեստորան, կամ ուտեստը պատվիրում են աշխատանքի վայրում: Սովորաբար ամբողջը վճարում է աշխատակազմից ինչ-որ մեկը, և դա արվում է հերթով:

3. Երրորդը, ինչ անհրաժեշտ է իմանալ և անել, դա հասարակական տրանսպորտում տարիքով անձանց և երեխայով մայրիկներին Ձեր տեղը զիջելն է: Ձեր տեղը կորեացուն զիջելով նրանց աչքերում կտեսնեք մեծ հարգանք Ձեր արարքի նկատմամբ:

4. Բոլորին հայտնի է, որ Կորեայում շատ են սիրում խմել: Կորեացիները խմում են լավ և շատ..շատ-շատ-շատ:  Սովորաբար կորեական խմիչքների սպիրտայնությունը 20-24° է: Այս առումով կորեացիների հարգանքին արժանանալը հեշտ է՝ պետք է կարողանալ խմել: Եթե կարողանաք խմել 40°-ից բարձր սպիրտայնությամբ ալկոհոլ, ապա 100% հարգանքը երաշխավորված է, քանի որ շատ քիչ կորեացիներ են համարձակվում նման բան խմել:

5. Կորեացիները շատ են սիրում, երբ ն րանց օգնում են, մանավանդ, երբ դա անում է եվրոպական արտաքինով արտասահմանցին:

6. Եթե անգլերեն լավ գիտեք, առաջարկեք կորեացուն Ձեր օգնությունը լեզուն սովորելու հարցում: Կորեացին անչափ ուրախ կլինի օգտվել ձեր օգնությունից:

7. Անպայման կորեերեն սովորեք: Կորեացիները հիացմունքով են վերաբերվում եվրոպական արտաքինով արտասահմանցիներին, երբ վերջիններս խոսում են, կամ փորձում են խոսել կորեերեն: Նրանք ամեն կերպ կգովաբանեն,ասելով, որ Ձեր մոտ լավ է ստացվում, և խորհուրդներ կտան Ձեր արտասանությունը լավացնելու համար:

8. Բոլոր կորեացիներին հիացնում են ռիսկային գործողությունները, որոնք կատարում են արտասահմանցիները: Օրինակ, սնոուբորդով զբաղվելու և տարբեր հնարքներ անելու դեպքում Ձեզ մեծ ոգևորությամբ կհետևեն կորեացիները և այդ ամենը կլուսա և տեսանկարահանեն:

9.Կորեացիները շատ ընկերասեր ու մարդամոտ ազգ են: Եթե օգնության կարիք ունեք, ապա կորեացիներն անպայման կօգնեն Ձեզ: Ի շնորհակալություն օգնության ոչ մի դեպքում գումար չառաջարկեք: Դա նրանց վիրավորում է: Ավելի լավ է շնորհակալություն հայտնել կորեացուն, նրան ինչ-որ փոքրիկ հուշանվեր տալով:

10. Եթե ուշադիր էիք, ես անընդհատ շեշտում էի “եվրոպական արտաքինով արտասահմանցի”  Բանն այն է, որ Կորեայում գտնվելիս նրանց բարյացակամությանն արժանանալու համար բավարար է ունենալ եվրոպական արտաքին: Դա նշանակում է, որ բոլոր արտասահմանցիների նկատմամբ չէ, որ կորեացիները հիացմունք են տածում: Թուխ մաշկով, հարավ-արևելյան արտաքինով արտասահմանցիները նրանց այնքան էլ չեն հետաքրքրում: Կորեացիները շատ են սիրում բաց մաշկ, այնպես որ որքան սպիտակ է ձեր մաշկը, (ցանկալի է նաև, որ լինեք շիկահեր ու կապուտաչյա) այնքան մեծ է հավանականությունը, որ շատ կորեացիներ կցանկանան Ձեզ հետ ընկերանալ: Ի դեպ՝ կորեացիները այնքան էլ չեն սիրում գեր մարդկանց: Նրանք կարծում են, որ դա վատ առողջության, կամ իրեն չհետևելու ցուցանիշ է:
Բացի այդ՝ կորեացիները սիրում են նորաձև, ճաշակով հագնվող ու խնամված մարդկանց:Այնպես որ Կորեայում անհրաժեշտ բաղկացուցիչ է՝ ունենալ խնամված մազեր ու մաշկ, և հագնվել ճաշակով:

 

~¤>Windie<¤~