Սոնփհյոնը՝ միջուկով բրնձի բլիթներ, Չհուսոքի գլխավոր ուտեստն է: Խմորի գլխավոր բաղադրիչը բրձի ալյուրն է, իսկ միջուկը սովորաբար լոբազգիների, քունջութի, շագանակի և այլ բաղադրիչների խառնուրդ է: Սովորաբար սոնփհյոն պատրաստում են ամբողջ ընտանիքով, Չհուսոքի նախօրեին: Բլիթիկները սարքում են կիսալուսնի տեսքով: Կա հավատալիք, որ եթե այն գեղեցիկ պատրաստես, ապա գեղեցիկ դուստր կունենաս:
Եկե՛ք փորձենք պատրաստել սոնփհյոն:
Բաղադրիչները
Խմորի համար
- բրնձի ալյուր կամ խաշած, տրորած բրինձ – 500 գր (5 բաժակ),
- աղ – 5 գր,
- ջուր – 200-210 գր,
Ներկելու համար
- օշինդրի փոշի – 2,5 գր*,
- ջուր գարդենիայի հիմքի վրա – 7 գր, (գարդենիա – 2 գր + ջուր – 25 գր (2 ճաշի գդալ))*,
- ջուր ելակի փոշու հիմքի վրա – 9 գր (ելակի փոշի – 1 գր + ջուր – 8 գր)*,
- դարչին (փոշի) – 1 գր,
* վերոնշյալ երեքը կարող եք փոխարինել բնական սննդային ներկերով, համապատասխանաբար կանաչ, վարդագույն և դեղին գույների^^
Միջուկների համար
- թարմ կանաչ լոբազգու հատիկներ – 50 գր + աղ – 1 գր (1/4 թեյի գդալ)+ քունջութի սերմ – 30 գր + մեղր – 9,5 գր (1/2 ճաշի գդալ) + շաքարավազ – 12 գր (1 ճաշի գդալ) + աղ – 0,5 գր (1/8 թեյի գդալ),
- սուրճի հատիկներ – 30 գր + աղ – 1 գր (1/4 թեյի գդալ) + մեղր – 14 գր (2/3 ճաշի գդալ) + դարչին (փոշի) – 0,6 գր,
Շոգեխաշման համար
- սոճու ասեղներ – 300 գր,
- ջուր – 10 բաժակ,
Վերջնական տեսքի բերելու համար
- քունջութի ձեթ (1 ճաշի գդալ):
Բաղադրիչների նախապատրաստումը
1.Գարդենիայի և ելակի փոշու հիման վրա ջրերը պատրաստվում են այսպես,
– գարդենիան կիսեք երկու մասի, 30 րոպե թրմեք, այնուհետև քամեք ջուրը,
– ելակի փոշին լցրեք ջրի մեջ և խառնեք:
2.Բրնձի ալյուրի մեջ ավելացրեք աղ, մաղեք այն, բաժանեք 5 մասի: 4-ից յուրաքանչյուրին գույնի մի տեսակ ավելացրեք: Լավ խառնեք և կրկին անցկացրեք մաղով:
3.Թարմ կանաչ լոբու հատիկները համեմեք աղով, քունջութի սերմերով, մանրացրեք, այնուհետև լավ խառնեք մեղրի, շաքարավազի հետ: Ավելացրեք աղ, եթե կա դրա կարիքը:
4.Սուրճի հատիկները լվացեք և 8 ժամ թրջոց դրեք (7 բաժին ջուր : 1 բաժին հատիկներ): Այնուհետև ձեռքով սեղմելով, հեռացրեք կեղևը: Ցայեք ջրով և թողեք 10 րոպե փլավքամիչի մեջ, որ ջրքամվի:
5.Սոճու ասեղները լավ լվացեք, թողեք ջրքամվի:
Պատրաստման եղանակը
1.Բրնձի ալյուրի ամեն մի մասին ջուր ավելացրեք և խմոր հունցեք:
2.Շոգեխաշիչի մեջ ջուր լցրեք, ուժեղ կրակի վրա դրեք: Մոտ 9 րոպե անց, երբ գոլորշին երևա, մեջը խոնավ անձեռոցիկ/սրբիչ գցեք, սուրճի հատիկները դրեք վրան և շոգեխաշեք մոտ 25 րոպե: Այնուհետև հանեք դրանք, աղով արեք, անցկացրեք մաղով, ավելացրեք մեղրը և դարչինը, խառնեք: Պատրաստի խյուսը խառնեք տրորված և համեմված լոբուն:
3.Բրձի գունավոր խմորներից յուրաքանչյուրը բաժանեք մոտ 15-16 գր-ոց մասերի, միջուկը (մոտ 20 գր) դրեք և դրանց կիսալուսնի ձև տվեք:
4.Շոգեխաշիչի մեջ ջուր լցրեք, ուժեղ կրակի վրա դրեք, գոլորշի հայտվելուն պես, կրկին խոնավ սրբիչ դրեք, տեղավորեք սոճու փշերը, որոնց վրա էլ մի շերտով ուղիղ դրեք պատրաստի բլիթիկները: Շոգեխաշում եք 20 րոպե:
5.Պատրաստի սոնփհյոնի բլիթները, հանելուց հետո, ցայեք սառը ջրով, հեռացրեք կպած սոճու ասեղները և քսեք քունջութի յուղը:
Բոլոր ցանկացողները կարող են նաև այսպես ձևավորել դրանք^^
Բայց ամենակարևորը. այս ամենը պետք է կատարվի սիրով և ժպիտով, քանի որ Չհուսոքն ընտանեկան տոն է, որի ժամանակ հավաքվում են իրար գլխի ընտանիքի հեռու և մոտ բոլոր անդամները^^
^^Nya^^
[Բաղադրատոմսը վերցված է Visit Korea-ի կայքից]
Նյութից օգտվելու դեպքում նշե՛ք մեր կայքը: